Ջուրը և մենք
Բաժակի մեջ ջուր լցրու և ուշադիր նայիր.
Ջուրը գույն ունի՞
Կարելի՞ է ջրի միջով տեսնել առարկաներ
Փորձի’ր հոտ քաշել ջրից
Փորձը կատարելուց հետո ընդգծիր ճիշտ պատասխանները
1. Ջուրը .
գունավոր է. անգույն ,սպիտակ, դեղին
2. Համ ունի ՞
Այո, ոչ
3 Հոտ ունի ՞
Այո , ոչ
Որպեսզի իմանաս ջուրը կարող է իր գույնը փոխել ,թե ոչ, կատարի’ր հետևյալ փորձը.:
Վերցնենք 2 բաժակ ջուր և марганцовка. зелёнка, որից մեկական կաթիլ կաթուցիչով կաթացրու մի բաժակի մեջ, իսկ մյուս բաժակի մեջ ` շատ քիչ մարգանցովկա
Ուշադիր նայիր ,թե ի՞նչ տեղի ունեցավ ջրի հետ;
Ջուրը փոխե՞ց իր գույնը, թե `ոչ
Ի՞նչ տեսար, փորձիր բացատրել
Նշի’ր փորձի ընթացքը, գրանցի’ր արդյունքները
Ինչ ես կարծում ,ջուրը կփոխի՞ իր գույնը , եթե նրա մեջ ավելացնես մուրաբա: Անպայման փորձիր ու կտեսնես, թե ինչ կլինի:
Իսկ հիմա հորինիր հանելուկներ ջրի մասին և թող ընկերներդ գուշակեն:Փորձիր հորինել նաև ասացվածքներ ջրի մասին:
Ձուն լողալ է սովորում
|
Վազվզող փայտիկները
Մեզ անհրաժեշտ է ջրով լի թաս, 8 հատ փայտիկ (ատամ մաքրող փայտիկներ) մեկ կտոր շաքար, աման լվացող հեղուկ
Փայտիկները դասավորում ենք ջրով լի թասի մեջ` ճառագայթների նման:
Թասի կենտրոնում զգուշորեն դնում ենք շաքարի կտորը`փայտիկները կհավաքվեն կենտրոնում, շաքարի շուրջ: Հետո գդալով ջրից հանենք շաքարի կտորը : Կաթուցիչով (пипеткой) ջրի մեջ կաթեցնենք մի քանի կաթիլ աման լվացող հեղուկ: Փայտիկներն անմիջապես կցրվեն:
Գույները կաթի մեջ
Անհրաժեշտ նյութեր
- Կաթ
- Սննդային ներկանյութեր
- Աման լվացող հեղուկ
- Բամբակե փայտիկներ
- Խոր ափսե
Խորը ափսեի մեջ կաթ լցրու :
Կաթով ափսեի մեջ լցրու մի քանի կաթիլ սննդային ներկանյութ/ տարբեր գույների /: Աշխատեք ամանը տեղից չշարժել :Հետո վերցնում ենք աման լվացող հեղուկ :Բամբակե փայտիկը թաթախում ենք աման լվացող հեղուկի մեջ : Թաթախված փայտիկը զգուշությամբ դնում են կաթով ամանի կենտրոնում :Կտեսնեք ,որ կաթը սկսում է շարժվել ,իսկ գույները / ներկանյութերի/ խառնվում են իրար :
Հրաբուխ
Այս փորձի համար անհրաժեշտ է պլաստիլին,սոդա,քացախ, ներկանյութ կամ սննդային ներկանյութ, կարելի է օգտագործել նաև բազուկի հյութ, աման լվացող հեղուկ:
Պլաստիլինը շրջանաձև ծեփենք ,տափակեցնենք ու դնենք ստվարաթղթի վրա, լավ կպցնենք, ամրացնենք ստվարաթղթին: Կողքերից ծեփենք պատեր, ամբողջը կնմանվի փոսի:ԿԱմ կարող ենք վերցնել փոքր աման, բաժակ և այն պատել պլաստիլինով :
Պատրաստենք <<լավան>>: Վերցնենք 1 ճաշի գդալ աման լվացող հեղուկ ,մի քիչ ներկանյութ և 1 ճաշի գդալ սոդա : : Այդ ամենը խառնենք:Այդ խառնուրդը լցնում ենք պլաստիլինե փոսի մեջ և վրան ավելացնում քացախ/ բաժակի ¼ մասը / կամ 50 գրամ/
Սկսվում է բուռն ռեակցիա, ամեն ինչ սկսում է եռալ, փոսիկից դուրս է թափվում գունավոր փրփուր: Ստացվում է իսկական հրաբուխ:
կամ կարող ենք այսպես անել .նախ առաջինը լացնում ենք 1 ճաշի գդալ սոդա,հետո ավելացնում ենք 1 ճաշի գդալ աման լվացող հեղուկ և ներկանյութ: Վերջում այդ ամենի վրա լցնում ենք քացախ/ 40-45 մլ/ և սկսվում է իսկական հրաբուխ:
Պարող օղակները
Թափանցիկ բաժակի մեջ լցնենք/ касторовое масло/ գերչակի ձեթ: Առանց շտապելու այդ ձեթի մեջ կաթեցնենք սովորական ջրաներկով ներկված ջրի 1 կաթիլ: Գերչակի ձեթի և մաքուր ջրի խտությունը պրակտիկորեն նույնն է : Կաթիլը դանդաղորեն կիջնի բաժակի հատակը:Եթե օգտագործենք ջրաներկի տարբեր գույներով ստացված լուծույթներ ,ապա բաժակում ձեթի հետ միասին առաջանում է մի տեսարան ,որը հիշեցնում է կախված գունավոր փուչիկների:
Ինչպես կարող ենք նվագել շշերի միջոցով
Վերցնենք դատարկ շիշ, շշի բերանից փչենք ներս, ձայն կլսենք : Հետո մի քանի շիշ դնեք սեղանին, այդ շշերի մեջ լցնենք տարբեր քանակությամբ ջուր:Որքան շատ է ջուրը շշում ,այնքան այդ շիշը բարձր ձայն կհանի: Կարելի է այդ շշերով նվագել ինչ որ մեղեդի:
Եփած ձուն
Եփած ձուն հեշտությամբ պտտվում է սեղանի վրա , իսկ հում ձուն դժվարությամբ է պտտվում ,կարելի է ասել չի էլ շարժվում հարթ տարածության վրա: Պատճառն այն է , որ հում ձվի մեջ դեղնուցն ու սպիտակուցը շարժվում են , խանգարելով , չթողնելով ձվին պտտվել: Եփած ձվի պինդ պարունակությունը թույլ է տալիս նրան պտտվել , հեշտությամբ շարժվել:
Աղը, աղացած պղպեղն ու փուչիկը
Աղն ու աղացած պղպեղը (սև կամ կարմիր) լավ խառնում ենք, լցնում՝ թղթի վրա: Փուչիկ փչում ենք, շփում բրդյա շորին, հետո մոտեցնում ենք խառնուրդին:
Աղացած պղպեղը կկպչի փուչիկին, իսկ աղը կմնա իր տեղում:
Փուչիկները
Փչենք երկու հատ փուչիկ: Դրանք էլեկտրականացնենք թերթով`թերթը քսենք փուչիկների վրա, հետո փուչիկները երկար թելերի վրա կախենք: Փուչիկները կսկսեն փոխադարձաբար իրարից հեռանալ: Նույն փորձը կրկնենք, բայց այս անգամ առաջին փուչիկը էլեկտրականացնենք թերթով, իսկ երկրորդ փուչիկը` բրդյա կտորով: Այս դեպքում փուչիկները կձգվեն դեպի իրար: Եթե այդ փուչիկներին սեղանին դնենք և մեկին գլորենք, ապա երկրորդը անմիջապես կգլորվի առաջինի ետևից: Առաջին դեպքում 2 փուչիկները միանման ձևով էին լիցքավորված, իսկ երկրորդում` տարբեր:
Ջրով փուչիկը
Փուչիկը լցնենք ջրով և թելով կապենք: Սկսենք փուչիկով խաղալ` իրար նետել գնդակի նման: Ձեռքից ձեռք անցնելով փուչիկը չի պայթում: Բայց երբ այն գցենք հատակին, անմիջապես կպայթի:
Աղբյուրներ`
Սեդա Վիրաբյան 