Այսօր առաջին դասարանցիների լողուսուցման առաջին պարապմունքն էր փակ լողավազանում: Առավոտյան 9 անց 40 տրիաթլոնի մարզիչ Անուշ Համբարյանի և երկարացված օրվա կազմակերպիչ՝ Անժելա Բլեյանի հետ միասին, սովորողների ուրախ գնացքը ուղևորվեց դեպի Արևմտյան դպրոց:
Հյուսիսային դպրոցի մուտքի մոտ գրանցեցինք ժամանակը: Տեղ հասնելուն պես ևս գրանցեցինք , որպեսզի հաշվենք, թե ինչքան ժամանակում ենք հասել Արևմտյան դպրոց:
Ճանապարհն անցանք 11 րոպե 45 վայրկյանում՝ մարզական քայլքով, արևին կանչելով:
Հանդերձարաններում հագանք լողազգեստը, ռեզինե գլխարկն ու լողաթափերը, ցնցուղ ընդունեցինք, կատարեցինք նախավարժանք եւ անվախ հայտնվեցինք լողավազանում:
Սովորողները սիրեցին լողավազանը, անհամբեր կսպասենք լողուսուցման հաջորդ պարապմունքներին:
Տեսանյութ՝
Սեդա Վիրաբյան 