Լուսանկարը՝ Արմինե Թոփչյանի
Առավոտյան ժամը 9-ին Սուրբ Երրորդություն եկեղեցու բակում սպասում էի մյուս ընթերցասեր գործընկերներիս, միասին պետք է Հացավան մեկնեինք: Հավաքվեցինք եկեղեցու բակում եւ հոգևոր ընթերցումներով մեկնարկեցինք օրվա սկիզբը:
Ջերմ ու սիրելի մարդիկ, միջավայր, տպավորություններով լի օր, ակնթարթներ…
Մինչեւ Հացավան հասնելը՝ Չարենցի կամարից ողջունեցինք Արարատին: Անհնար է չգայթակղվել Արարատի գեղեցկությամբ և անտարբեր անցնել, մենք էլ լուսանկարվեցինք և շարունակեցինք մեր ճանապարհը:
Հացավանում հանդիպեցինք դպրոցի տնօրեն Սուսաննա Սահակյանին, հյուրընկալվեցինք գյուղի միջնակարգ դպրոցում, որտեղ արժանացանք ջերմ ընդունելության: Ծանոթացանք, շրջեցինք դպրոցով, ապա ներկայացրեցինք «Բլեյան» ուսումնական բաց ցանցը, եղան նաև համագործակցության առաջարկներ: Միասին քննարկեցինք Վ. Սարոյանի «Գնացքները» պատմվածքը:
Էլ ի՞նչ ճամփորդություն առանց միասնական երգ ու պարի: Միասին կոմիտասյան պարերգեր կատարեցինք, վայելեցինք սիրելի Արփինեի կիթառի անկրկնելի ելևէջները։ Օրն ամփոփեցինք մեր գործընկերներ Առնոլդ Բլեյանի և Աստղիկ Իսրայելյանի տանը: Գողտրիկ անկյուն, մեծ ու ընդարձակ այգի, հյուրասեր ու սիրալիր ընդունելություն, անդադար կատակում ենք, զրուցում, չնկատելով, թե ինչպես աննկատ անցան ժամերը :
Տեսանյութ՝
Սեդա Վիրաբյան 