Նախագծի թեմա՝ Ամանորյա ծես
Ժամանակացույց`դեկտեմբերի 1-ից 25-ը:
Մասնակիցներ՝ 3․2 դասարանի սովորողներ
Նպատակը՝ Նախապատրաստում«Ամանորի ծես» տոնակատարությանը.
Խնդիրները՝
- Ամանորը տարբեր երկրներում՝ սովորույթներ, ավանդույթներ
- Տոնական խոհանոց, ընտանեկան հետաքրքիր բաղադրատոմսեր
- Ուսուցանել Ամանորի և Սուրբ Ծննդյան երգեր
- Ստեղծել շնորհավորական բացիկներ
- Ինքնաշեն խաղալիքներ՝ վարպետության դաս ծնող՝ Զառա Հարությունյանի հետ
- Ամանորյա թխվածքաբլիթներ։ Ծնող՝ Սիլվա Հովհաննիսյան
- Համագործակցություն Ալիս Գևորգյանի հետ
Լեզվագործունեություն
Նախատեսվող առաջադրանքները նպաստում են բանավոր և գրավոր խոսքի զարգացմանը, ստեղծագործելու, հորինելու, երևակայական մտածողության ձևավորմանը:
- Հորինուկների շարք
- Հորինում եմ – Այս դեպքում նախօրոք որոշվում է հեքիաթի վերնագիրը: Ամեն սովորող, 2-3 նախադասությամբ, ինքն է հորինում իր հեքիաթը և մուտքագրում:
- «Ի՞նչ կլիներ, եթե… » շարք – Հետաքրքիր «եթե»-ների շարք
- Ցանկությունների Նամակ (մեդիանամակ) – Մեդիանամակներ ստեղծելը ինքնանպատակ չէ: Այն խթանում է բանավոր խոսքի զարգացմանը: Նամակի միջոցով սովորողներն կարտահայտեն իրենց կենդանի խոսքը, ցանկությունն ու իղձըԷջը գեղեցիկ ձևավորելուց հետո, սովորղները մուտքագրում են իրենց մտքերը: Բլոգում բացում ենք առանձին բաժին, որտեղ հրապարակվում են սովորողների բոլոր նամակները:
- Ամանորյա բարեմաղթանքներ – Փնտրում ենք հետաքրքիր ամանորյա բարեմաղթանքներ, ձայնագրում ենք տատիկ-պապիկների, ծնողների լավագույն ամանորյա բարեմաղթանքները, և պատրաստում փոքրիկ ֆիլմ։ Ձայնագրում ենք նաև սեբաստացի ուսուցիչների ամանորյա բարեմաղթաները:
- Սովորողներն ուսումնասիրում են, թե ինչպե՞ս են Ամանորը նշում այլ երկրներում, առանձնացնում հետաքրքիր ավանդույթներ և սովորույթներ։ Աշխատանքները հրապարակում իրենց բլոգներում։
Մաթեմատիկա
Ամանորը շատ լավ թեմա է հաշվելու, համեմատելու, տրամաբանելու, խնդիրներ կազմելու համար:
Ստեղծում ենք ամանորյա օրացույց և հաշվում, թե քանի՞ օր մնաց ամանորին: Հաշվում, թե տվյալ ամիսը քանի՞շաբաթ և կիրակի ունի։ Կազմում խնդիրներ ևառաջադրում միմյանց։
Տեխնոլոգիա
- Ինքնաշեն խաղալիքների պատրաստում՝ ծնող Զառա Հարությունյան
- Համագործակցություն Ալիս Գևորգյանի հետ
- Ամանորյա թխվածքաբլիթների պատրաստում՝ ծնող Սիլվա Հովհաննիսյան
Ենթակա է խմբագրման